Google ADS

Dy ndeshje në aksion sot në basketbollin kosovar, vëmendja në kryeqytet

12:37 | 8 Tetor 2023
D.H

Java e tretë në basketbollin kosovar ka nisur mbrëmë me ndeshjen në Gjakovë mes Vëllaznimit dhe Proton Cable Prizrenit ku triumfues dolën mysafirët me rezultat 74-76.

Ndërsa sot vazhdon java e tretë me dy duele interesante ku vëmendja është në kryeqytet, ku Sigal Prishtina pret Yllin, shkruan Arbresh.info.

Të dy këto skuadra kanë nga një fitore dhe një humbje.

Ndeshja luhet në ‘Pallatin e Rinisë dhe të Sporteve’ me fillim nga ora 17:00.

Sfida tjetër zhvillohet ndërmjet Istogut dhe Bashkimit.

Kjo sfidë luhet me fillim nga ora 19:00, në Rahovec aty ku Istogu i luan ndeshjet si vendase, pasi palestra në Istog është duke u rinovuar.

Bashkimi kërkon fitoren e tretë me radhë ndërsa Istogu fitoren e parë në Superligë.

Kryendeshja e kësaj jave mes Pejës dhe Trepçës është shtyrë për ditën e enjte, pasi mitrovicasit patën angazhime në Fiba Europe Cup në mesajvë.

Njëherit kjo sfidë do të mbyllë javën e tretë në basketbollin kosovar./Arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm